കേന്ദ്ര സർക്കാരിൻ്റെ തൊഴിൽ ഉദ്യോഗ മന്ത്രാലയത്തിനു കീഴിൽ തിരുവനന്തപുരം തൈക്കാട് പ്രവർത്തിക്കുന്ന ദേശീയ തൊഴിൽ സേവന കേന്ദ്രം (NCSC for SC/STs) പട്ടികജാതി/വർഗത്തിൽപ്പെട്ട ഉദ്യോഗാർഥികൾക്കായി ജൂലൈ 27ന് സൗജന്യ തൊഴിൽമേള സംഘടിപ്പിക്കുന്നൂ. തിരുവനന്തപുരം ജില്ലയിലെ ഒഴിവുകൾക്ക് വേണ്ടിയാണ് തൊഴിൽമേള നടത്തുന്നത്. ബ്രാഞ്ച് മാനേജർ, ഡെപ്യൂട്ടി ബ്രാഞ്ച് മാനേജർ, ജൂനിയർ സെയിൽസ് ഓഫീസർ തുടങ്ങിയ പോസ്റ്റുകളിൽ ആണ് ഒഴിവുകൾ ഉള്ളത്.
യോഗ്യത
ബ്രാഞ്ച് മാനേജർ തസ്തികയിൽ അപേക്ഷിക്കുന്നവർക്ക് ഏതെങ്കിലും വിഷയത്തിലെ ബിരുദവും ഇൻഷുറൻസ് മേഖലയിലുള്ള മൂന്നു വർഷത്തെ പ്രവൃത്തിപരിചയവും ഉണ്ടാകണം. അപേക്ഷകരുടെ പ്രായം 30നും 45നും ഇടയിൽ ആയിരിക്കണം.
ഡെപ്യൂട്ടി ബ്രാഞ്ച് മാനേജർ തസ്തികയിൽ അപേക്ഷിക്കുന്നവർക്ക് ഏതെങ്കിലും വിഷയത്തിലെ ബിരുദവും ഇൻഷുറൻസ് മേഖലയിലുള്ള രണ്ടു വർഷത്തെ പ്രവൃത്തിപരിചയവും ഉണ്ടാകണം. പ്രായപരിധി 25നും 30 നും മധ്യേ ആയിരിക്കണം.
ജൂനിയർ സെയിൽസ് ഓഫീസർ തസ്തികയിൽ പ്ലസ്ടു അല്ലെങ്കിൽ ഏതെങ്കിലും വിഷയത്തിലെ ബിരുദമുള്ളവർക്ക് അപേക്ഷിക്കാം. പ്രായപരിധി 18നും-55നും മധ്യേ ആയിരിക്കണം.
സെലക്ഷൻ പ്രൊസസ്സ്
രജിസ്റ്റർ ചെയ്തിട്ടുള്ള അപേക്ഷകരിൽ നിന്നും യോഗ്യതയ്ക്കനുസരിച്ച് ഇന്റർവ്യൂവിനു ഹാജരാകേണ്ട സ്ഥലവും സമയവും എസ്.എം.എസിലൂടെ അറിയിക്കും.
ഇന്റർവ്യൂ ദിവസം ബയോഡാറ്റയും സർട്ടിഫിക്കറ്റുകളും ഹാജരാക്കണം.
കൂടുതൽ വിവരങ്ങൾക്ക്
‘National Career Service Centre for SC/STs, Trivandrum’ എന്ന ഫേസ്ബുക്ക് പേജിലോ 0471-2332113/8304009409 എന്ന ഫോൺ നമ്പർ ഉപയോഗിച്ച് ഓഫീസുമായോ ബന്ധപ്പെടാം
താത്പര്യമുള്ളവർ (സ്ത്രീ/പുരുഷൻ) ജൂലൈ 25നകം താഴെ കാണുന്ന ലിങ്കിൽ രജിസ്റ്റർ ചെയ്യേണ്ടതാണ് : Click Here